Хосын Сэтгэлзүйд чухал хэрэгтэй 3 зөвлөгөө

Хосын сэтгэлзүй хамгийн ярвигтай байдаг.

Яагаад гэвэл бид хосын харилцаан дээр өөр хэнд ч үзүүлдэггүй эмоцуудыг, сэтгэлийн гүн дэх мэдрэмжүүдээ гаргадаг.

Заримдаа энэ нь маш нандин гоё мэдрэмжүүд гарч ирдэг.

Гэвч заримдаа бидний сэтгэлийн гүнд нуугдаж байсан өвдөлт шаналалууд бас дагаад гараад ирдэг.

Тийм учраас сэтгэлзүйн салбарт "Жинхэнэ эдгэрэл хосын харилцаан дээр явагддаг" гэсэн зүйр цэцэн үг ч бий.

Хосын харилцаа бидний дотоод хүүхдийн траумаг сэдрээж болдог.

Заримдаа өөртөө байгаа ч гэж мэдээгүй зүйлсийг ойлгох болно.

Эдгэрэл хийгээгүй хоёр хүн харилцаанд орлоо гэж бодоход заримдаа нэг нэгнийхээ сэтгэлийн шархыг нь сэдрээгээд...

...хоёулаа өвдөөд л дуусдаг.

Ийм учраас хосын харилцаанд орохоос өмнө болон харилцааны дундаа...

...сэтгэлзүйн эдгэрлээ үргэлжүүлэн хийсээр байх хэрэгтэй.

Тэгвэл хосын харилцаанд нэг нэгнийхээ сэтгэлийг өвтгөхгүйгээр, яажшуухан сайхан харилцааг үүсгэх вэ?

Хамтдаа 4 зөвлөгөөг сурч авья.

1. Битгий реакцал

Ихэнх хүмүүс хосын харилцаанд маш хурдан, хүчтэйгээр реакц гаргаж ханддаг.

Шууд уурлаад л, шууд хэрэлдээд л...

Реакц гэдэг маань ухамсаргүйгээр хариу үйлдэл үзүүлж байгааг хэлээд байна.

Ямар ч удирдлага залуурга байхгүй шууд эмоцоо гаргаж, барьцгүй үйлдэл хийхийг хэлж байгаа юм.

"Хосын харилцааг амжилттай үгүйг нь шийдэх цор ганц зүйл бол...

...тухайн хос бие биендээ реакцалж хандаж байнуу гэдэг дээр тогтоно"

гэсэн судалгааны том ажил ч байдаг.

Өөрөөр хэлбэл энэ 1 зүйлийг л хийчих юм бол хосын харилцаа чинь сайжирч амжилттай байнаа гэж зөвлөх зүйл бол: битгий реакцал.

Реакцлахгүй харин ч эмоцоо тайвшруулчихаад хоорондоо ярь.

Хэрвээ хэт их эмоцтой байгаад байвал...

"Надад жаахан орон зай өгөөч, би өөрийгөө тайвшруулчихаад чамтай ярьж болох уу. Надад тайвшрах цаг хугацаа хэрэгтэй байна" гэх мэтээр хэлж болно.

Ингэж хэлээд тайвширсныхаа дараа ярилцаж ойлголцвол...

маш үр дүнтэй буцаад харилцаагаа сайжруулах боломжтой болдог.

2. Би төвтэй ярилцаж сур

Ихэнх хосуудын яриаг сонсохоор...

"Чи тэгсэн. Чи намайг уурлуулсан" гэж эхэлдэг.

Чи төвтэй ярихаар нөгөө хүн нь довтолгоонд өртөж байгаа юм шиг мэдрэмж авдаг.

Тэгээд өөрөө ч анзааралгүй өөрийгөө өмөөрөх, өөрийгөө хамгаалах үгсийг хэлж эхэлдэг.

Энэ тохиолдолд ойлголцол явагдахгүй байна гэсэн үг.

Нэг хүн нь дайрч давшлаад, нөгөө хүн нь өөрийгөө өмөөөрөөд дуусдаг.

Энэ бол хосуудын дунд болдог маш олон маргааны эх үүсвэр.

Бие биендээ хэлэх гээд байгаа мэдрэмжээ ерөөсөө зөвөөр хэлж чадахгүй байнаа гэсэн үг.

Үүний оронд харин яах хэрэгтэй вэ?

Би төвтэй буюу:

"Чи намайг уурлуулсан" гэхийн оронд

"Чи ийм үйлдэл хийхэд би гомдсон, би хайрлагдаагүй мэдрэмж авсан" гэж хэлж болно.

"Би сүүлийн үед чамаас хөндийрсөн мэдрэмж авч байгаа, анхаарал халамж авахгүй байгаа юм шиг надад санагдаж байгаа" гэж хэлж болно.

Ингэж хэлэхээр өөр дээрээ төвлөрч өөрийнхөө эмоцийг ярилцаж эхэлдэг.

Ийм үед нөгөө хүн нь ч гэсэн илүү эергээр хүлээж авдаг ба эмоцийг нь хүлээн зөвшөөрч, "яаж би туслах вэ" "яаж би чамайг илүү хайрлах вэ" гэдэг талаас нь асууж ярилцаж эхэлдэг.

3. Хайрын хэл

Хүн бүр хайрын хэлтэй.

Бүр тэр дундаа өгөх авах хайрын хэл нь тусдаа.

Хайр өгөх хэлтэй, хайр авах хэлтэй байдаг.

Хайрын хэл гэж юу вэ?

Хайрын хэл гэдэг нь бид хайрлагдсан мэдрэмж юунаас авдаг вэ гэдгийг илэрхийлдэг систем юм.

Үндсэн 5 хайрын хэл байдаг гэж сэтгэлзүйн салбарт үздэг.

Мэдээж 5-аас илүү олон жижиг хэлнүүд байгаа л даа.

Гэхдээ хэдүүлээ өнөөдөр зөвхөн үндсэн 5-ийг нь мэдэж авья.

1. Бэлэг авах

2. Халамжлах үйлдэл

3. Хайр энхрийлэх үгс

4. Хамт цаг өнгөрүүлэх

5. Биеэр хүрэлцэх

   
   

Тэгэхээр энэ 5 янзаар хүмүүс хайрын мэдрэмжийг өгөлцөж авалцдаг байх нь.

Та тэгэхээр хайрлаж байна гээд л хосын хамтрагчдаа хайрын үг хэлээд байдаг...

Тэгсэн таны хамтрагчийн хайр авах хэл нь хайр энхрийлэх үгс биш байж болно.

Тийм бол таны хувьд хайр өгч байна гэж бодоод байсан чинь яг үнэндээ...

Хамтрагч чинь хайрлагдсан мэдрэмж авахгүй байна гэсэн үг.

Тэгэхээр хамтрагчийнхаа хайр авах хэлийг нь асууж мэдэх хэрэгтэй.

Эс бөгөөс та англиар яриад хамтрагч чинь хятдаар яриад байхтай адил ойлголцохгүй хайрын мэдрэмж нь үрэн таран болох аюултай.

Мөн өөрийнхөө хайр өгөх хэлийг хамтрагчдаа хэл.

Би ийм үйлдэл хийж байгаа нь чамд хайр өгөх гэж хийж байгаа юм шүү гэдгээ ойлгуул.

Өөрийнхөө хайр өгөх хэлийг бас мэдэж авах хэрэгтэй.

Ингэж байж хайрын мэдрэмжийг амжилттай бие биендээ дамжуулж өгөх болно.